LiMNux - Mongolian Linux User Group

Линукс сонирхогч, хэрэглэгчдийн Open Beer Party уулзалт маань 8-р сарын 26-ны өдөр 19 цагаас Их Монгол уушийн газрын задгайн хоёрдугаар давхарт болох гэж байна. Мэдээллийн дэлгэрэнгүйг http://dulmandakh.com/node/60 хаягаас уншина уу.

07 сарын 27-ны өдрийг тохиолдуулан линукс сонирхогчдын цугладаг Open Beer Party-г зарлаж байна. 07-р сарын 27 -ны өдөр нь Систем администраторуудын өдөр бөгөөд дэлхий нийтээрээ энэ өдрйиг Sys Admin day гэдэг ба энэ жилийн сисадмины өдөрийг Их Монгол уушийн газар 07 сарын 27-ны 19 цагт тэмдэглэх болсныг мэдэгдье !
Жич : Өөр өөрсдийн зардлыг даахыг мэдэгдье !

Ubuntu 8.04.1 хувилбар нь 4-р сард гарсан 8.04 хувилбарын програмуудын алдааг засаж буй хувилбар ба та системээ шинээр суулгах бүртээ их хэмжээний шинэчлэлт хийх шаардлагагүй болох юм. Энэ хувилбарт бараг 200 гаруй засварууд орсон бөгөөд http://mn.releases.ubuntu.com хаягаас татаж авах боломжтой. Хувилбарын талаар дэлгэрэнгүйг http://lwn.net/Articles/288694/ хаягаас уншина уу.

AdvFS нь хуучны Digital Equipment Corp хөгжүүлсэн, өнөөдрийн HP-ийн Tru64 үйлдлийн системийн файлын систем юм. Энэхүү файлын систем нь олон жилийн хугацаанд найдвартай ажиллагаатай болохоо чухал, нарийн зүйлсэд ашиглагдаж байснаараа батлаж буй бөгөөд GPLv2 лицензийн хүрээнд нээлттэй эхийн хэрэглэгч, хөгжүүлэгчдийн гар дээр очиж байна. AdvFS-ын талаар илүү ихийг мэдэхийг хүсвэл http://advfs.sourceforge.net/ хаягаар ороод гараарай.

2008 оны 10-р сард 8.10 хувилбар болон эцэслэн гарах Intrepid Ibex хувилбарын анхны туршилтын хувилбар гарлаа. Ubuntu 8.10 хувилбар маш олон шинэлэг зүйлс, технологиудыг агуулсан, туршсан байдлаараа онцлог байх ба альфа туршилтын хувилбар нь хөгжүүлэгчдэд зориулсан амталганы, шинэхэн хувилбар юм. Дашрамд сонирхуулахад Intrepid нь аргаль гэсэн үг бөгөөд энэхүү хувилбараараа хавчим өндөр технологийн шинэчлэл рүү цуцашгүй авирна гэдэг бэлгэдэлтэй билээ. Дэлгэрэнгүй мэдээллийг http://lwn.net/Articles/287825/ хаягаас уншина уу.

Бид линукс үйлдлийн системийг сонирхогч, хэрэглэгчдийг нэгтгэх, мэдлэг туршлагыг солилцуулах зорилгоор энэхүү LiMNux бүлгэмийг байгуулсан билээ. Дэлхийн бүх улс, үндэстэн бүрт линукс хэрэглэгчдийн бүлгэм үйл ажиллагаагаа явуулж бидний л адил зорилгын төлөө зүтгэцгээдэг. LiMNux бүлгэм нь 2006 оны сүүлээр байгуулагдаж зорилгоо биелүүлэхийн өөрийн вэб сайт, блог, хэлэлцүүлгийг ажиллуулж нийт 570 хүн гишүүнээр бүртгүүлээд байна. Линукс үйлдлийн систем маань өөрөө маш хурдацтай хөгжиж, илүү өргөн хүрээнд ашиглагддаг болж байгаа нь биднийг ч мөн адил хурдан хөгжихийг шаардаж байна.

This month, we’re proud to introduce a new column, Command and Conquer. We’ll be taking a look at the command line and hopefully how to make it a little less scary for you.

Other stuff:

* How-To : Create an Ubuntu Plug ‘n’ Play Zone, Create Your Own Server Part 6, Using GIMP Part 3 and Put Photos on your iPod.
* Command and Conquer - Man pages, and what not to type.
* My Opinion - Excited About Ubuntu in South East India
* MOTU Interview - Soren Hansen
* Our usual: Letters, Q & A, My Desktop, Top 5, and more!

Wine төслийнхөн 15 жилийн хөдөлмөрийнхөө үр болох 1.0 хувилбарыг гаргасан болохоо зарлалаа. Линукс хэрэглэгчдэд ямар нэг байдлаар Windows-ийн програм ажилуулах хэрэгцээ гардаг ба үүнийг шийдэхийн тулд Wine төсөл эхэлсэн юм. Wine-ын тусламжтайгаар та Windows-д зориулсан програмуудад ямар нэг өөрчлөлт оруулалгүйгээр суулгах, ажиллуулах, ашиглах боломжтой болно. Сүүлийн байдлаар Microsoft Office, Photoshop CS2 гэх програмууд нэмэгдсэн бөгөөд http://appdb.winehq.org/ хаягаас өөрийн хэрэглэдэг програм дэмжигдсэн эсэхийг шалгаарай.

Өмнө зарлаж байсанчлан линуксын анхан шатны сургалтыг 2008 оны 6-р сарын 23-с 27-ныг дуустал 5 хоногийн хугацаанд явуулахаар тогтлоо. Энэ сургалтаараа нээлттэй эхийн програм хангамж болон линукс гэж юу болох, линукс болон нэмэлт програмуудыг хэрхэн суулгах талаар Ubuntu дээр суурилан заана. Сургалт өдөр бүр 19:00-с 20:30 цагийн хооронд явагдах ба үнэ төлбөргүй болно.

Улаан малгайтын хөгжүүлэгчид энэ удаа том серверүүдэд зориулсан шинэ загвар болох ногооноор сайжруулсан Enterprise Linux 5.2-г гаргалаа. Red Hat Enterprise Linux 5.2 нь том системүүдэд болон өшөө санах ойн байгуулалтыг багтаасан.

Энэ шинэ загвар нь 64 бит-н спу болон 512Gb санах ойг шаарддаг, ба across non-uniform memory access (NUMA) системтэй. Энэ нь ихэвчлэн x86/64, Itanium, IBM Power and IBM System Z. зориулсан шинэ драйверуудтай.

"Адсолукс Монголиа"ХХК нь 2008 оны 1-р сард өөрийн байрандаа линукс сонирхогчдод зориулсан анхан шатны сургалтыг үнэ төлбөргүй, нээлттэй явуулсан билээ. Хэдийгээр цөөнгүй тооны хүн сургалтанд хамрагдахыг хүссэн боловч сургалт явуулах танхимын хүрэлцээ муугаас цөөн тооны хүнд зориулан энэхүү сургалтыг явуулсан. Энэхүү сургалт маань амжилттай явагдсан, бас сонирхогчид олон байгааг харгалзан үзэж дээрх сургалтыг дахин явуулах болсныг зарлахад таатай байна.

Өндөр чанартай програм хангамж гэж ямар програм хангамжийг хэлэх вэ? Тэдгээр нь ямар шалгууруудыг давсан байх ёстой вэ? Нэгэн интернэт хэрэглэгч дээрх асуултуудад хариулахаар оролдсон бөгөөд хэрхэн чанартай хийх болон чанарыг хэрхэн шалгах талаар ч мөн оруулсан байна. Мэдээллийн дэлгэрэнгүйг http://www.shlomifish.org/philosophy/computers/high-quality-software/ хаягаас уншина уу.

KDE болон GNOME гэж чухам юу вэ? Ямар ялгаатай вэ? гэсэн түгээмэл асуултанд iTWire-ын David M Williams хариулахыг оролдсон байна. Энэ асуултын хариулахын тулд X Window, window manager, desktop environment зэрэг төдийлөн ялгагддаггүй ойлголтуудыг энгийнээр ойлгомжтой тайлбарлаж өгсөн нь таалагдлаа. Миний хувьд GNOME хэрэглэгч бөгөөд энгийн, илүү дутуу зүйлгүй цэвэрхэн байдал нь таалагддаг. Мэдээллийн дэлгэрэнгүйг http://www.itwire.com/content/view/18284/1141/ хаягаас уншина уу.

Mozilla корпораци Firefox 3-н эхний горилогч хувилбар гарсан болохыг өнгөрсөн баасан гарагт зарлалаа. Энэхүү горилогч хувилбар нь 6 долоо хоногийн өмнө гарч байсан Бета 5 хувилбарын үргэлжлэл бөгөөд бүтээгдэхүүн нэлээн боловсорсон болохыг илтгэж байна. Хөгжүүлэгчдийн яриагаар горилогч хувилбарыг 5-р сарын сүүлээр гаргах төлөвлөгөөтэй байсан ч ажил урагштай явж байгаатай холбоотойгоор инхүү урьдчилан гаргаж буй юм.

Fedora төслийн ахлагч болсноосоо хойш анхныхаа бүтээлийг гаргаад буй Paul Frields-тэй LWN вэбийн Rebecca Sobol сонирхолтой ярилцлага хийж төсөл, төслийн ирээдүй болон шинэхэн хувилбарын талаар асууж лавлажээ.