LiMNux - Mongolian Linux User Group

Fedora төслийн ахлагч болсноосоо хойш анхныхаа бүтээлийг гаргаад буй Paul Frields-тэй LWN вэбийн Rebecca Sobol сонирхолтой ярилцлага хийж төсөл, төслийн ирээдүй болон шинэхэн хувилбарын талаар асууж лавлажээ.

Fedora 9 хувилбарт орж буй томоохон шинэчлэлтүүдийн нэг нь ext4 файлын систем юм. ext4 файлын систем нь өнөөдөр өргөн ашиглагдаж буй ext3 файлын системийн дутагдлыг арилгаж орчин үеийн хэрэгцээ шаардлагад нийцүүлэн өөрчилсөн шинэ файлын систем юм. Жишээ нь ext3 дээр дискийн тасалгаа буюу файлын систем хамгийн ихдээ 16Т харин файл нь 2Т хэмжээтэй байх боломжтой бол еxt4 дээр 1024P болон 16T болон нэмэгдэж байна. Үүнээс гадна хурд болон мэдээллийн хадгалалтын систем өөрчлөлт оруулсан байна. Хэдийгээр ext4 нь Fedora 9-д багтах боловч үндсэн файлын систем нь ext3 хэвээр байх юм байна.

Шинэ гарсны дараахан 2 жилийн хугацаанд Fedora төслийн удирдагчийн албыг хашиж байсан Max Spevack өөрийн хүсэлтээр бууж, өөр зүйл өөрийгөө зориулахаар шийдсэнээ мэдэгдсэн. Түүний ажлыг Paul Frield үргэлжлүүлэхээр болж байна. Fedora төслийнхөн хуучин болон шинэ удирдагчидтай үдэлтийн болон угталтын ярилцлагыг хийж, Fedora төслийн өнгөрсөн болон ирээдүйн талаар сонирхолтой ярилцлага өрнүүлсэн байна. Ярилцлагын дэлгэрэгүйг http://fedoraproject.org/wiki/Interviews/FPL хаягаас уншина уу.

NetworkManager нь линукс систем дээрх сүлжээ тэр дундаа утасгүй сүлжээний тохиргоог маш хялбарчилж хүн бүрт хүртээмжтэй болгож өгсөн юм. Түүний хөгжүүлэгч Dan Williams нь сүүлд гараад одоогоор зөвхөн Fedora 8-д ашиглагдаж буй 0.7 хувилбарт орсон шинэлэг зүйлс болн цаашид юунд илүү анхаарч байгаа талаараа сонирхолтой ярилцлага өгчээ. Ярилцлагын дэлгэрэнгүйг http://fedoraproject.org/wiki/Interviews/DanWilliams хаягаас уншина уу.

Richard Stallman нь Emacs-г анх хөгжүүлж ирсэн ба өнөөдрийг хүртэл түүний хөгжлийг удирдаж ирсэн бөгөөд энэхүү ажлаасаа бууж, дараагийн үедээ энэхүү ажлаа өгөхөөр шийджээ. Үүнээс хойш emacs-ийн хөгжлийг Stefan болон Yidong нар хамтран авч явж, удирдахаар болж байна.

APC сэтгүүлийн James Buchanan линуксын үүсгэгч Линус Торвалдстай маш сонирхолтой ярилцлага хийжээ. Энэхүү ярилцлагад линукс 3.0 хувилбар хэзээ гарах, одоогийн 2.6 хувилбарын байдал, ямар тархац хэрэглэдэг, чөлөөт цагаараа юу хийдэг вэ гэх мэт асуултуудын хариуг оруулжээ. Мөн тэрээр нэг удаа оцон шувуунд хазуулж байснаа энд нуусангүй.

Линус Торвалдсаас олон нийтийн хариултыг хүсэн хүлээдэг асуултуудын дагуу сонирхолтой ярилцлага хийсэн байна. Линуксын ирээдүйг хэрхэн төсөөлж байна, та байхгүй бол яах вэ? Solaris-ын талаар юу гэж бодож байна? Яагаад GPLv3-г дургүй вэ? Линуксын амжилтын нууц юу вэ?

Анх линуксыг тооцоолуур дээр суулган зөв ажиллуулах хэцүү гэдэг байсан. Гэвч энэ байдал сүүлийн жилүүдэд эрс өөрчлөгдөж линукс нь ихэнх тооцоолуур дээр ямар нэг асуудалгүй сууж ажиллах болсон. Гэхдээ зарим нэг асуудлууд оршисоор л байна.

Хагас жилийн өмнө би GNOME-н амиа аргацаан, багахан өөрчлөлт бүхий шинэ хувилбаруудыг 6 сар тутамд гаргаад байна даа гэж бодож байлаа. Харин би эндүүрч байж. Энд би GNOME-н ирээдүйг эрчимтэйгээр өөрчилж буй, одоо GNOME-д эд өрнөж буй зарим зүйлсийн талаар бичих гэж байна. Эдгээрийн ихэнх нь дэд бүтэцтэй холбоотой юм.

Аливаа мэдээллийн системийн тогтвортой, найдвартай ажиллагааг хангах үүрэг хүлээдэг хүн бол мэдээж системийн администратор. Тэдэнгүйгээр бидний амьдарч буй өнөөдрийн мэдээлэлжсэн нийгэм байхгүй байх байсан биз. Хэдийгээр уулыг нурааж, усыг ...

LiMNux гишүүд дэмжигч та бүгдийн дунд гарын авлага бэлтгэх урамшуулалт уралдааныг зарлаж байна. Энэ уралдаанд нээлттэй эхийн програм хангамжийг суулгах, тохируулах, ашиглах гэх мэт нээлттэй эхтэй холбоотой бүх л зүйлийн талаар гарын авлагыг бичих эсвэл орчуулан уралдах юм.

Линукс цөмийн тэргүүлэх хөгжүүлэгчдийн нэг Greg Kroah-Hartman цөмийн хөгжил болон түүнтэй холбоотой зарим нэг тоон мэдээллийг дэлгэжээ. Өнөөдөр цөмийн тэргүүлэх хөгжүүлэгчид код бичихийн оронд бусдын бичсэн кодыг хянах, цааш нийлүүлэх ажил илүүтэй хийх болсон ч орж буй өөрчлөлтүүд, шинэ боломжууд өдрөөс өдөрт өсч байгаа юм байна.

Чехийн нэгэн вэб сайт уншигчдаасаа асуулт цуглуулан линуксын томоохон төлөөлөгчдийн нэг Алан Кокстой ялицлага хийсэн байна. Линуксын ирээдүй, сайн компаниуд, дуртай шар айраг гээд цөөхөн боловч сонирхолтой асуултууд тавигджээ. Ярилцлагыг http://www.abclinuxu.cz/clanky/rozhovory/alan-cox?page=1 хаягаас уншина уу.

Нэлээн хэд хоногийн өмнө линукс болон түүний програм хангамж нь Microsoft-ийн 200 гаруй патент буюу оюуны өмчийн эрхийг зөрчиж байна, түүнийхээ төлөө төлбөр төлөхийг хэрэглэгчид болон хөгжүүлэгчдээс шаардсан. Гэвч үүний хариуд Линус Торвалдс, Марк Шатлворт, Жонатан Шварц нар хариуг өгчээ.

Planet liMNux нь нээлттэй эхийн програм хангамж, линукс сонирхон судлагчдын блогуудыг нэгтгэн үзүүлэх зориулалттай вэб сайт бөгөөд Цэвээндорж, Баатар нарын блогийг шинээр бүртгэн авлаа.